Зрабі ўразлівасці сваёй сілай
12-17 студзеня 2026
Вільнюс, Літва
Заяўкі прымаюцца
да 30 лістапада ўключна!
Падаць заяўку
Гэта школа для цябе, калі
шлях у актывізме
роўна
аднадум_ак
Смела падавайся, калі пазнеш сябе хаця б у двух пунктах:
Важна:
- ★ Табе не трэба мець досвед у актывізме
- ★ Табе не трэба быць упэўненым/упэўненай у сваіх ідэях
- ★ Табе не трэба быць гатовым/гатовой да вялікіх праектаў
- ★ Галоўнае — тваё жаданне і адкрытасць да новага
Агульная інфармацыя
Даты:
13–16 студзеня 2026 (4 поўныя дні)
Дні заезду і ад'езду:
12 і 17 студзеня
Месца правядзення:
Вільнюс, дакладнае месца будзе паведамлена адабраным удзельні_цам пасля пацверджання ўдзелу
Працоўныя мовы:
беларуская і расійская
Самастойная аплата праезду і пражывання
Арганізацыйны ўнёсак 50 еўра
Аргунёсак накіраваны на арганізацыю кава-перапынкаў і харчавання.
💡 Калі гэтыя ўмовы вам не пасуюць, мы можам прапанаваць вам частковае ці поўнае пакрыццё выдаткаў, а таксама замену арганізацыйнага ўнёску на валанцёрскую дапамогу. Мы прытрымліваемся інклюзіўнага падыходу і хочам забяспечыць роўны доступ да адукацыйных магчымасцяў. Калі табе патрэбна падтрымка — пазнач гэта ў форме рэгістрацыі.
Тэмы, з якімі мы будзем працаваць
😳 Асабістыя межы і самаразуменне
- Што такое асабістыя межы і чаму яны важныя
- Як разумець і паважаць свае і чужыя межы
- Як межы звязаныя з роўнасцю і інклюзіяй
👻 Уразлівасць і прывілеі
- Як уразлівасць можа стаць крыніцай сілы
- Што такое прывілеі і як іх заўважаць
- Як разуменне гэтых тэм дапамагае будаваць больш справядлівае грамадства
🎉 Мова і камунікацыя
- Чаму людзі не прымаюць іншыя меркаванні
- Што такое “спіраль маўчання” і як яна ўплывае на грамадства
- Карэктная лексіка і мова варожасці
- Што такое негвалтоўная камунікацыя і калі яна не працуе
🙂 Правы чалавека і роўнасць
- Правы чалавека як аснова роўнасці
- Розныя падыходы да роўнасці
- Як гэта ўсё працуе на практыцы
Кожны дзень будзе напоўнены:
- Практычнымі практыкаваннямі
- Групавымі абмеркаваннямі
- Рэфлексіяй і абменам досведам
А вечарам — магчымасць:
- Паглядзець фільм
- Паўдзельнічаць у творчай майстэрні
- Пазнаёміцца бліжэй з іншымі ўдзельні_цамі
За апошні дзень мы разам:
- Распрацуем уласныя ідэі
- Створым план дзеянняў
- Атрымаем зваротную сувязь і падтрымку для далейшых крокаў
Хто праводзіць школу?
Нашая каманда:
Больш за 10 гадоў вопыту ў правядзенні адукацыйных праграм Эксперты і эксперкі ў сферы правоў чалавека, роўнасці і інклюзіі Практыкі з досведам рэалізацыі грамадскіх ініцыятыў Прафесійныя фасілітатары і трэнеры
Марына Штрахава
Зміцер Радзіеўскі
Імя хутка з'явіцца!
Твой шлях у Школе роўнасці і інклюзіі
(студзень – красавік 2026)
1️⃣ Знаёмімся | да 30 лістапада
- Ты падаеш заяўку да 30 лістапада ўключна
- Пры неабходнасці мы звяжамся з табой для кароткай гутаркі, каб удакладніць матывацыю ці тэхнічныя моманты
- Разам пераканаемся, што гэта тое, што ты шукаеш
2️⃣ Рыхтуемся | да 12 снежня
- Мы паведамім табе пра вынікі адбору не пазней за 12 снежня
- Адкажам на ўсе пытанні
3️⃣ Віртуальная сустрэча | снежань
- Сустракаемся анлайн у сярэдзіне снежня, каб убачыць адны адных і пачаць знаёміцца
- Распавядзем падрабязней пра праграму і трэнер_ак
4️⃣ Сустракаемся | 12–17 студзеня
- 12 студзеня: прыезд і знаёмства за кавай
- 13–16 студзеня: чатыры насычаныя дні школы, занятасць — поўны дзень з 10:00 да 19:00
- 17 студзеня: развітваемся (але не надоўга!)
5️⃣ Працягваем анлайн | студзень–люты
- Сустракаемся ў відэачаце
- Дзелімся першымі ідэямі
- Абмяркоўваем планы
6️⃣ Ствараем | люты–сакавік
- Распрацоўваем і рэалізуем уласныя ініцыятывы
- Атрымліваем індывідуальную падтрымку ментар_ак
- Дзелімся досведам з іншымі ўдзельні_цамі
7️⃣ Святкуем | красавік 2026
- Анлайн-выпускны
- Прэзентацыі вашых дасягненняў
- Планаванне далейшых крокаў
Як будзем вучыцца?
Нашы фарматы працы
- ✦ Інтэрактыўныя практыкаванні: гуляем у гульні, якія дапамагаюць зразумець, як працуе грамадства
- ✦ Групавыя дыскусіі: абмяркоўваем важныя тэмы ў бяспечнай прасторы
- ✦ Форум-тэатр: будзем разбіраць рэальныя сітуацыі і шукаць рашэнні праз тэатральныя практыкі
- ✦ Прагляд і абмеркаванне фільмаў: глядзім моцныя фільмы і абмяркоўваем іх без цэнзуры
- ✦ Планаванне дзеянняў: распрацоўваем канкрэтныя крокі для рэалізацыі вашых ідэй
Як мы працуем
- ✦ Малыя групы для глыбокіх абмеркаванняў
- ✦ Практычныя заданні замест лекцый
- ✦ Абмен досведам і ідэямі
- ✦ Прастора для нефармальных зносін
- ✦ Падтрымліваючая атмасфера
- ✦ Індывідуальныя і групавыя анлайн-сустрэчы пасля афлайн-кампаненту
Што далей?
🎓 Анлайн-лекцыі пра праектны падыход і/або на тэмы, найбольш цікавыя группе
Для ўсіх, хто будзе зацікаўлены ў стварэнні ўласнага праекта, прадукта ці мерапрыемства, мы прапаноўваем анлайн-сустрэчы да канца зімы. Разам з эксперт_камі вы даведаецеся пра праектны падыход, планаванне дзейнасці, складанне бюджэту і створыце сваю першую ўласную праектную прапанову.
💬 Індывідуальныя кансультацыі з ментар_камі для абмеркавання вашых ініцыятыў
Цягам лютага і сакавіка нашы ментар_кі будуць суправаджаць вас ў працэсе стварэнні вашых праектаў, каб узмацніць іх.
🚀 Магчымасць рэалізаваць свае ідэі з нашай падтрымкай
Мы прапаноўваем шэраг рэсурсаў для рэалізацыі вашых праектаў.
📜 Атрыманне сертыфікатаў
Пасля поўнага прахаджэння курса, рэалізацыі праекта і паспяховай здачы справаздачы вы атрымаеце сертыфікат аб адукацыі і рэалізацыі праекту!
🤝 Далучэнне да супольнасці аднадумцаў
Пасля праграмы вы станеце часткай нашай сеткі алюмні з доступам да мерапрыемстваў, нетворкінгу і магчымасцяў для супрацы. Супольнасць выпускніц і выпускнікоў — гэта прастора для ўзаемнай падтрымкі і далейшага развіцця.
Найбольш папулярныя пытанні
АРГАНІЗАЦЫЙНЫЯ ПЫТАННІ
Ці ёсць арганізацыйны ўнёсак? Што ён пакрывае?
Так, удзел у школе патрабуе ўнясення арганізацыйнага ўнёску ў памеры 50 еўра. Гэты ўнёсак накіраваны на пакрыццё часткі выдаткаў на харчаванне падчас асноўнай праграмы.
Аднак ёсць магчымасць атрымаць стыпендыю на пакрыццё праезду, пражывання ці арганізацыйнага ўнёску ў выпадку складанай фінансавай сітуацыі. Для гэтага неабходна адзначыць патрэбу ў падтрымцы падчас запаўнення заяўкі і аргументаваць яе. Колькасць стыпендый абмежаваная.
Ці кампенсуюцца выдаткі на праезд удзельні_цам не з Вільнюса?
Не, арганізатары не забяспечваюць ні праезд, ні пражыванне.
Аднак ёсць магчымасць атрымаць стыпендыю на пакрыццё праезду, пражывання ці арганізацыйнага ўнёску ў выпадку складанай фінансавай сітуацыі. Для гэтага неабходна адзначыць патрэбу ў падтрымцы падчас запаўнення заяўкі і аргументаваць яе. Колькасць стыпендый абмежаваная.
Як адбіраюцца ўдзельнікі і ўдзельніцы?
Мы звяртаем увагу на:
- Матывацыю і зацікаўленасць у тэме роўнасці і інклюзіі
- Гатоўнасць вучыцца і дзяліцца досведам
- Жаданне ўносіць змены ў сваё асяроддзе
- Разнастайнасць групы (мы імкнёмся сабраць людзей з розным досведам і бэкграундам)
Важна ведаць: няма "правільных" і "няправільных" адказаў. Адказвайце шчыра, гэта заўсёды прывыблівае!
Наяўнасць арганізацыйнага ўнёску не ўплывае на вынікі адбору. Аднак калі вы запытваеце поўнае пакрыццё выдаткаў (уключаючы праезд, пражыванне і арганізацыйны ўнёсак), верагоднасць станоўчага рашэння можа быць ніжэйшай у параўнанне з кандыдат_камі, якім патрэбна частковая ці мінімальная падтрымка. Гэта звязана з абмежаванасцю стыпендыяльнага фонду. Але мы ўсё роўна разглядаем усе заяўкі і імкнёмся знайсці магчымасці для ўдзелу матываваных кандыдат_ак.
Ці трэба мець папярэдні досвед/веды?
Не, школа створана менавіта для пачаткоўцаў. Галоўнае - ваша матывацыя і жаданне вучыцца!
Наколькі бяспечна дзяліцца асабістай інфармацыяй?
Мы забяспечваем поўную канфідэнцыйнасць удзелу. Удзел на самом трэнінгу можа быць ананімны. Вы самі вырашаеце, якой інфармацыяй дзяліцца. Вашыя дадзеныя будуць апрацоўвацца згодна з Палітыкай прыватнасці.
Што калі я не змагу прыехаць на ўсе дні?
Поўны ўдзел у праграме з'яўляецца неабходнай умовай. Калі ў вас ёсць асаблівыя абставіны, давайце абмяркуем іх індывідуальна.
Як будзе арганізаваны праезд?
Мы дапамагаем з планаваннем маршруту да Вільнюса і назад. Купляем для вас квіткі на аўтобус, цягнік - ад вас не патрабуецца дадатковых укладанняў.
Мы НЕ кампенсуем выдаткі на летакі.
Мы НЕ зможам кампенсаваць выдаткі на ваш асабісты транспарт, калі вы вырашыце прыехаць на асабістым аўтамабілі.
Пры неабходнасці дапамагаем з афармленнем візы // Мы не аказваем візавую падтрымку
У мяне няма візы. Ці магу я ўдзельнічаць?
На жаль, не, мы не аказваем візавую падтрымку.
Гэта бяспечна? Як вы працуеце з дадзенымі ўдзельні_ц?
Бяспека і канфідэнцыяльнасць удзельнікаў з'яўляюцца для нас прыярытэтам. Мы збіраем толькі тыя дадзеныя, якія неабходны для арганізацыі праграмы і камунікацыі з удзельнікамі. Усе дадзеныя збіраюцца і апрацоўваюцца згодна з нашай Палітыкай прыватнасці.
ПОБЫТ І ЛАГІСТЫКА
Як будзе арганізавана харчаванне?
Падчас 4 дзён асноўнай праграмы арганізатары забяспечваюць поўнае харчаванне, уключаючы абеды, вячэры і кава-перапынкі. Выдаткі на харчаванне ўключаны ў арганізацыйны ўнёсак.
Мы ўлічваем індывідуальныя патрэбы ў харчаванні (вегетарыянства, веганства, алергіі, рэлігійныя абмежаванні і г.д.) Пасля пацвярджэння вашай заяўкі мы звяжамся з вамі, каб абмеркаваць вашы патрэбы ў харчаванні.
Ці будуць фота/відэа?
Фота і відэа робяцца толькі са згоды ўдзельні_ц. Вы можаце адмовіцца ад фота/відэафіксацыі.
Дзе будзе праходзіць школа?
Гэта будзе камфортнае памяшканне ў цэнтры Вільнюса. Дакладны адрас мы паведамім пасля пацвярджэння ўдзелу.
ПРАГРАМА І ПАДТРЫМКА
Колькі доўжыцца школа?
Адукацыйныя заняткі доўжацца 4 дні, з 13 па 16 студзеня (аўторак - пятніца). Заняткі будуць ісці прыкладна з 10:00 да 19:00. 12 і 17 студзеня - дні прыезду і ад’езду. У іх не запланавана заняткаў і агульных сустрэч. Таксама ў дні прыезду не запланавана дадатковага харчавання.
Што калі я не змагу ўдзельнічаць ва ўсіх практыкаваннях?
Усе актыўнасці добраахвотныя. Вы самі вырашаеце ўзровень свайго ўдзелу. Заўсёды ёсць магчымасць узяць перапынак. Мы робім праграму гнуткай, і гатовы да зменаў, якія будуць патрэбны групе.
На якой мове будзе праводзіцца школа?
Працоўныя мовы: беларуская і расійская. На гэтых мовах размаўляюць нашыя трэнер_кі. Вы можаце выкарыстоўваць любую з гэтых моў. Мы не забяспечваем пераклад паміж гэтымі або іншымі мовамі.
Што будзе пасля афлайн-школы?
Анлайн-сустрэчы па праектнаму мэнэджмэнту
- Анлайн-сустрэчы для абмеркавання вашых ініцыятыў
- Індывідуальныя кансультацыі з ментар_камі
- Магчымасць далучыцца да супольнасці выпускні_ц
- Пасля рэалізацыі праекту і запаўнення справаздачу ў вас будзе магчымасць атрымаць сертыфікат
Ці трэба мець гатовую ідэю праекта перад школай?
Не, гэта абсалютна не абавязкова! Калі ў вас ёсць ідэі - выдатна, яны могуць стаць добрым падмуркам. Калі ідэй няма - не хвалюйцеся, мы дапаможам іх знайсці падчас школы. Часам "чысты аркуш" - гэта нават лепш.
Што наконт рэалізацыі праекта пасля школы?
Рэалізацыя праекта не з'яўляецца абавязковай умовай, але мы вельмі спадзяемся, што школа натхніць вас на дзеянні!
Для гэтага мы забяспечваем:
- Індывідуальнае ментарства
- Анлайн-кансультацыі
- Падтрымку супольнасці
- Дапамогу ў планаванні і рэалізацыі
Засталіся пытанні?
Вы заўсёды можаце:
- Напісаць нам у Telegram @theothersby_org
- Адправіць пытанне на email: info@theothersby.org
- Пазначыць свае пытанні ў форме заяўкі