Разбярэмся, што такое скразныя каштоўнасці, якія яны бываюць і чаму яны — аснова для ўсіх нашых дзеянняў.

Ты зразумееш важнасць скразных каштоўнасцяў у жыцці і якім чынам іх уключаць у сваю дзейнасць.

Дазнаемся, што такое праблема і мэта, як іх вызначаць і чаму любую ідэю можна ўспрымаць як праект.

Ты навучышся структураваць свае ідэі і планаваць іх рэалізацыю так, каб яны сапраўды працавалі. Гэта дапаможа тваім ідэям не заставацца проста марамі, а станавіцца рэальнасцю.

Вучымся вызначаць, для каго мы робім нашу дзейнасць і мерапрыемствы, як зразумець іх патрэбы і інтарэсы.

Ты зможаш лёгка вызначаць сваю аўдыторыю і ствараць кантэнт, які ёй будзе карысны.

Пагаворым пра тое, як будаваць здаровыя адносіны ў камандзе, дзяліць адказнасць і падтрымліваць адзін аднаго.

Ты навучышся быць надзейнай часткай каманды і зможаш ствараць атмасферу ўзаемнай падтрымкі.

Станеш удзельні_цай міні-Жывой Бібліятэкі і арганізуеш сваю. Гэта магчымасць адчуць фармат на сабе, зразумець, як ён працуе і што дае іншым.

Ты на ўласным досведзе адчуеш моц асабістых гісторый і даведаешся ўсе тэхнічныя нюансы арганізацыі мерапрыемства.

Навучымся працаваць з людзьмі, якія дзеляцца сваім досведам: як іх знаходзіць, запрашаць і падрыхтоўваць. Разбяром, як вырашаць складаныя сітуацыі ў камунікацыі і ствараць бяспечную прастору.

Ты ўмееш знаходзіць гер_аінь, дапамагаць ім адчуваць сябе ўпэўнена і вырашаць канфліктныя сітуацыі.

Пройдзем усе этапы арганізацыі мерапрыемства: ад ідэі да ацэнкі вынікаў. Разбяром, як планаваць лагістыку, працаваць з рэсурсамі і ствараць інклюзіўную прастору.

У цябе будзе гатовы чэк-ліст планавання любога афлайн-мерапрыемства з увагай да скразных каштоўнасцяў.

Навучымся адсочваць, ці дасягаем мы сваіх мэтаў, як збіраць зваротную сувязь ад удзельні_ц і што рабіць з атрыманай інфармацыяй.

Ты зможаш ацэньваць поспех сваіх праектаў, бачыць іх моцныя і слабыя бакі і пастаянна паляпшаць сваю працу.

Пра што яшчэ хочаш паразмаўляць? Адну з тэмаў адукацыйнай сесіі абярэш ты.

Атрымаеш веды па тэме, якая найбольш актуальная для групы.

З падтрымкай ментар_ак арганізуеш сваё першае мерапрыемства. Рэгулярныя сустрэчы з ментар_камі, падтрымка на кожным этапе.

Ты атрымаеш рэальны досвед арганізацыі мерапрыемства і ўпэўненасць у сваіх сілах.

Навучымся інструментам рэфлексіі і рэтраспектывы, каб ацэньваць свой досвед і планаваць далейшыя крокі. Абмяркуем, як развіваць свае навыкі.

Ты зможаш самастойна аналізаваць свой досвед і будаваць планы на будучыню.

Жывая Бібліятэка — гэта мерапрыемства, дзе сустракаюцца «Кнігі» (людзі з унікальным досведам) і «Чытачы» (удзельні_цы, якія хочуць даведацца больш пра розных людзей). Фармат дазваляе пачуць рэальныя гісторыі замест стэрэатыпаў і задаць пытанні без асуджэння ў бяспечнай прасторы.

Гэта дзейсны фармат працы са стэрэатыпамі і стыгматызацыяй у грамадстве. Праз наш 7-гадовы досвед правядзення Жывых Бібліятэк у Беларусі мы ведаем усе нюансы і можам навучыць цябе гэтаму — гэта бяспечны фармат для пачатку ў арганізацыі мерапрыемстваў, дзе ты дакладна не памылішся.

Супер! Наша праграма дапаможа яе структураваць і палепшыць, прымяніўшы праектны падыход. Жывая Бібліятэка — гэта проста прыклад для навучання, а навыкі спатрэбяцца для любых праектаў. Выпускні_цы нашых праграм у будучыні змогуць атрымліваць падтрымку ў рэалізацыі сваіх ідэй.

Зусім не! Гэта праграма спецыяльна для тых, хто толькі пачынае або хоча сістэматызаваць свой досвед. Мы навучым усяму неабходнаму з нуля.

На жаль, мы шукаем людзей менавіта ў Вільнюсе для сталай працы разам. Запрашаем заставацца з намі, каб сачыць за наступнымі мерапрыемствамі і ў тваім горадзе! Сачы за намі ў сацыяльных сетках і падпісвайся на рассылку.

У межах гэтай праграмы мы канцэнтруемся на працы з моладдзю да 30 гадоў. Запрашаем сачыць за нашымі іншымі праектамі — магчыма, будзе нешта цікавае і для цябе!

Мы чакаем поўнай уключанасці, бо праграма пабудавана як адзіны працэс. Але калі ў цябе ёсць канкрэтныя абставіны, якія замінаюць поўнаму ўдзелу — напішы нам, паспрабуем знайсці рашэнне!

Ніякіх праблем! Мы арганізуем няню і дзіцячы куточак. Калі ласка, паведамі пра гэта ў форме рэгістрацыі.

Так! Пасля поўнага праходжання праграмы і запаўнення формы зваротнай сувязі кожн_ая атрымае сертыфікат аб удзеле.

Каманда, якая сфармуецца падчас курсу, зможа працягваць сумесную працу — арганізоўваць мерапрыемствы, рэалізоўваць новыя ідэі. Вы атрымаеце дасяжнасць да сеткі выпускн_іц, з якімі мы плануем дзяліцца рознымі магчымасцямі для далейшай рэалізацыі ідэй, падтрымліваць у арганізацыі наступных івэнтаў.

Бяспека ўдзельні_ц — наш прыярытэт. Мы строга выконваем усе патрабаванні па ахове персанальных дадзеных. Інфармацыя пра ўдзельні_ц збіраецца і выкарыстоўваецца толькі для арганізацыі праграмы. Мы спраўджваем асобу кожн_ай удзельні_цы перад тым, як запрашаем на мерапрыемства. Падрабязней чытай у нашай палітыцы прыватнасці.